Frianr hoddas noo no andare Weitr ghett.
Woonas noom Herbscht bis en Frialeng er Hauptsach noo gschneit hot.
Wooma Weagle bahnad hot vor Diir uff d Schtrooß ond en Schtall nom, vo deet uff d Mischte, zor Schuir nom ond zom Schopf nom.
Wooma aasa Jong nemme iibr d Riadr nomgsea hot ond woo ma d Heifa middm Schleppr ondm Waaga forgfiahrt hot, da ma hodd wiedr laufa kenna.
Woos glatta, feschta Schnai uff da Schtrooßa ghett hot ond ma schtatt m Wäägele da Schlitta gnomma hot.
Woo de Jonga uffm feschta Schnai uff da Schtrooßa Schlittschua gfahra send.
Wooma hot vor Oachhalda bis es Daal na Schlitta fahra kenna.
Wo dr Molkr da gaaza Weag nuff zor Molke gschtraibt hot ond de Jonga gscholta haud, wellas nemme gloffa ischd middm Schlitta.
Woonas halbameetrlange Eiszapfa gea hot.
Woo s Obr Daal bahnad gsei ischd bis zor Schanza hendare, da ma hot zom Schischprenga laufa kenna.
Wos Schualschifeschtr gea hot ar Wangrshalda, äll Johr.
Ond woo bei da Doala s eescht Moschtfässle em Kear schau a weng hohl dau hot, voar dr Frialeng reacht komma ischd.
Früher waren die Winter noch anders.
Früher waren Winter schwerer, einschneidender.
Als von nach dem Herbst bis in den Frühling der Niederschlag im Wesentlichen Schnee war.
Als Fußwege gebahnt werden mussten von der Haustür zur Straße und zum Stall hinüber, von dort zur Dunglege, zur Scheune und zum Schopf.
Als Kinder nicht mehr über die Schneehaufen blicken konnten und man die Haufen mit Traktor und Wagen abtransportierte, dass wieder mehr Bewegungsfreiheit da war.
Als auf Straßen eine festgefahrene Schneedecke lag und statt dem Handwagen der Schlitten benutzt wurde.
Als die Kinder auf der harten Straßenschneedecke Schlittschuh fuhren.
Als man von der Eichhalde bis ins Lautlinger Tal hinunter Schlitten fahren konnte.
Als der Betreiber der Molkerei den ganzen Weg zur Molkerei hinauf bestreut hat und die Kinder gescholten haben, weil es beim Schlittenfahren bremste.
Als es lange, dicke Eiszapfen gab.
Als die Straßenfortsetzung der Oberen Talstraße gebahnt wurde bis zum Schanzentisch, dass man das Skispringen besuchen konnte.
Als es jedes Jahr ein Schulskifest gab an der Wagnershalde.
Und als bei manchen das erste Mostfass im Keller schon etwas hohl geklungen hat, bevor der Frühling richtig Einzug hielt.
(GG)